गाभारा ..

चंदनाचा धूर |  मंत्रांचे काहूर|
भावनांचा पूर |  वाहू लागे ||


मिटलेले डोळे | भक्तीचे उमाळे |
वासनेचे चाळे | मनामाजी ||


श्रद्धेचे प्रताप | क्षणोक्षणी पाप |
पुण्याचेच माप | दानपेटी ||


लोपला विवेक | भ्रष्टले प्रतीक |
देवही नास्तिक | गाभार्यामध्ये ||

मुक्त

देहाच्या कुडीत धपापलेला श्वास,

रोजचे मरण जगण्याचा ध्यास.

देहाचे सोह;e सौंदर्याची आरास,

पोटभर भुकेसाठी आभा;भर घास.

क्षणा-क्षणांत भरलेला शाश्वताचा भास,

उद्याच्याही उद्यामध्ये असण्याची आस.

कधी तरी हा अंधार धरेल प्रकाशाची कास,

कधी तरी मीसुद्धा होइन मुक्त...........